譚文豪離職時我畫這張畫給他
今日他在庭上說了以下一番說話
「好多人講譚文豪，好多人講飛機師，飛機，但有幾多人知，我係一個用咗兩代人脫貧嘅故事....
我出世係好寒微，住木屋區，仲要唔知係咪陀衰家，出世之後，燒埋，住安置區......一個公仔麵 3個人唔知邊個食。
爸爸揸的士，揸特更，日揸夜揸....送到我去澳洲讀書，番到嚟有航空公司請我，送我去澳洲...番到嚟...我係由地底泥，爬上地面，我仲要爬上三萬尺高空，完全係我一手一腳。
爸爸係我好尊重嘅人...末期大腸癌...細個有公仔麵，佢無得食比我食先，我細個無玩具玩，佢去垃圾房，砌番畀我玩。
爸爸，標靶藥，每個月要三萬，我當時畀到，但我會諗我畀到啫，其他人點？住公屋嘅點？我當時就覺得，香港係有啲問題，係要去解決，所以從政。
去報到當日，我只係攬一攬我老婆，唔敢攬咁耐，驚仔女覺得奇怪。
攬一攬我個仔，我個仔好唔耐煩咁，攬一攬我個女，佢瞓咗，原來瞓咗，佢就見唔到爸爸。
法官閣下，你唔使同我講保釋條件，我係願意接受任何條件，如果你要天上嘅星星，只要佢喺大氣層之內，我都飛上去摘畀你。
我係願意做任何嘢，去攬住對仔女，攬住我太太 同佢講對唔住，十萬句對唔住。」
希望你吉人天相，早日一家團聚。
Search